سحابة الخير نازل ديمها توّه

من بعدما سيّلت وِديان من خيره

بأرض جماله طبيعي وزاد من جوّه

ما بين نسناسها ولجّة عصافيره

والشمس توّه سناها طالع ٍ ضوّه

منظر شروقه يشد العين تصويره

بفْياض سِدرٍ ملاها بالعطا نوّه

وبَرَاد ظلّه يفوق الوصف تعبيره

يختال فيها الزهر وتغرّد بقوّه

ذيك الطيور بْلَحنْها زاد تصفيره

وبين البختري وريحه والنفل خوّه

تغارمنها الخزامى في نواويره

وْنَبت الزبيدي تكشف زاد بعلوّه

ما بين هذي وهذي زان تدويره

شعر: فهيد البقعاوى