لا يصيبك حزن أو صدرك يضيق

أحمد آل مفرح الشهري

لا يصيبك حزن أو صدرك يضيق

والله انّ الروح ما قد ملّتك

ولا تقل غرك زمانك مايليق

منهو المجنون يخسر صحبتك..!

هجرك اشقاني وانا أظنك شفيق

احتري شوفك وأهيم لــ طلّتك

ياترى قلبك تخيرني رفيق

مثل ما قلبي تخيّر رفقتك

ما أريد انساك يالعذب الرقيق

ون نويت أنساك جعلي فدوتك

كل ما جاني خبر انك بـ ضيق

جيت لبيت النداء في ضيّقتك

وكل ما تسأل عن الحال أستفيق

من كرى عشقي.. وانام إبّسمتك

زد صدودك واشعل بقلبي حريق

عاد تدري .. إني أعشق زلتك

عاذلي ليتك تموت وما تذيق

قلبي الوافي لـ خلي جرعتك

والله أحبك وبُعدك ما أطيق

وسلوتي لا غبت عني صورتك

​ انت أول حب منه أبتل ريق

ياحلو ذيك الصدف لي زفّتك












التعليقات