سيدي سلمان سمع وطاعه

آمر وحنا للاوامر مطيعين

اوامرك واجب علينا اتباعه

أمر وكل الشعب لامرك ملبين

الشعب واللي يشتغل بالصناعه

تحت الاوامر كلهم مستعدين

مجلاسنا وسط المنازل قناعه

نلزم منازلنا ولا بالامر شين

وصلاتنا بالبيت دون الجماعة

معروفة بالشرع والعرف والدين

دام المؤذن مانفارق سماعه

ياما جمعنا بالسفر من صلاتين

ودام الوباء هذا سريع اندلاعه

لازم نحسب لانتشاره حسابين

نحسب حساب اللي قليل المناعه

الطفل والشايب و منهم مصابين

ونحسب حساب للوباء و إنقطاعه

اليا تكاتفنا بكل الميادين

وانتم لنا حكام عدل و شجاعه

كل الدول تشهد لكم يالميامين

الشعب وافي وانت راع الوداعه

ماتطلبه منا على الراس و العين